من الحماقة أن تاخذهن من واحد فاتح بث مباشر بالتيك توك أو الانستكرام.
دينك رصيدك للآخرة .. وصحتك رأس مالك بالدنيا، يعني ذني أعز ما تملك.
قبل شوي شفت صيدلانية فاتحة بث مباشر ويسألوهه ع كلشي وتجاوب ع كلشي
شفتهه لمدة ٣ دقايق ولا سؤال جاوبته صحيح .. تخيل ولا سؤال ! بحيث گلبت معدتي منهه!
وتلبچ لبچ بالوصفات والأدوية والخلطات!
ونفس شي واحد تاريخه كله عبارة عن زلّة چبيرة .. وصاير هسه منصة وعظ وإرشاد للشباب التايهين اللي مالهم خلك يفتحون كتاب عقائدي ويقروه، أو ياخذون درس متسلسل يضبطون بي دينهم.
يردون دين ع شكل لقيمات مال ريلزات كل وحدة دقيقة ونص!
– د. حسين البصري
