شهر رمضان والمسلسلات

-ضيافة إلهيَّة لو سينمائيَّة!

مِن أول يوم لشهر شعبان ولهسه وبوسترات المسلسلات ترست مواقع التواصل: ترقبوا في شهر رمضان.. وتشاهدون في شهر رمضان.. ومفاجأة شهر الخير!!

هسه إذا واحد من غير ملة يشوفنا، عباله شهر رمضان اسم لمهرجان سينمائي مو” شهرٌ دعيتم فيه الى ضيافة الله”! لأن يشوفه مرتبط بالمسلسلات، لا بالقرآن ولا بالدعاء ولا بالورع…
وشلون مسلسلات عاد، تقليد ثقافات وبيئات ثانية وتلزيگ بالحچي.

وللمرة الترليون نگول شنو ربط المسلسلات بهذا الشهر؟
غير مسألة التشويه والاستهداف الثقافي!
اي يعني شنسوي
ما لگينه غير ربط.

وإذا تشوفوه شهر يزود من عنده وقت، وتجتمع بيه العائلة فخلي نونسها بالمسلسلات فهاي بعد أتعس!
بهذا الشهر بالذات ما لازم يكون بيه الوقت الزائد مثل باقي الشهور، ولا الاجتماع بيه مثل باقي الأيام.
لأن مثل ما گلنالكم
إحنا بهذا الشهر ضيوف عند الله، مو عند المتهتكات والمتهتّكين!

#مجموعة_إكسير_الحكمة