تدري عزيزي المشاهد لقناة العراقية، الي هي القناة الرسمية للدولة، أنو الدولة خصصت جزء من ميزانيتها لإنتاج مسلسل يروج للفساد والانحلال والتفكك الأسري حتى ينعرض بشهر رمضان على هاي القناة وتشاهده العوائل، ومحور قصته هي (رجل متزوج عنده علاقة مع صديقة زوجته، فتروح زوجته وهي على ذمته تسوي علاقة مع شخص آخر يشتغل مطرب حفلات) وتدور الأحداث التافهة عليهم، والسيناريو الفاشل اللي تحولت بعض عبارات أبطاله لترند بالاستهزاء والضحك!
يابة قناة العراقية هل أنتِ مسؤولة عن لقمة عيش الممثلين وأنصاف الممثلين حتى تنتجين مسلسل فاشل بكل المعايير بس علمود تترسين جيوب الكادر؟
يعني القناة الرسمية لبلد بيه آلاف القصص وآلاف السيناريوهات الحقيقية اللي ما تخطر ببال أكبر كُتاب السيناريو وموجودة وصايرة گبال عيوننا، ما تحتاج بس لحرگة گلب وشعور بالحب لهذا البلد وتاريخه… هاي القناة تعجز عن إنتاج قصة وحدة؟
هل قناة العراقية وغيرها راح تترك صفحات البلد المشرقة وسجاياه وبطولة أبنائه وتتشبه بالدراما التركية وانحلالها؟!
قناة الدولة الموقرة لازم تعيد حساباتها وتعتز بعراقها وتوظف جهودها وأموالها لإنتاج شي يحفظ تاريخ هذا البلد وقضاياه.
#مجموعة_إكسير_الحكمة
