المفروض من كل مؤمنة ترتدي الحجاب تعرف شروط الحجاب اللي هي (لا يصف ولا يشف ولا يعد زينة)، يعني بديهية عدها، ووياها كون تعرف شنو آثار الحجاب عليها وعلى المجتمع، ووحده من آثاره وأهمها هي حجب الأنظار الدنيئة عنها وكبح النفوس المريضة.
فيا أختنا المحجبة، أم العباية، من تحاولين تنشرين نفسچ شگد متگدرين على مواقع التواصل ويشوفوچ الآلاف بنظرات متعرفين شنو وراها، بعد وين شروط الحجاب وآثاره؟
الحجاب والعباية ضافولچ هيبة وخلّوا خطوط حمر بينچ وبين كل نظرة فاسدة الچ، ليش بالگوة تقللين من احترامهن واحترامچ لنفسچ وتروحين شكو ترند تافه تشاركين بيه…
شموازيچ؟
معقولة حتى يرضون عليچ كم متابع وحتى يگولون هاي (Open minded) ؟!
اعتزي بنفسچ ومبادئچ وخليچ أكبر من التفاهة.
#مجموعة_إكسير_الحكمة
