“خلونا نعيش.. خانگينه وقافليها علينا..
وگاضيها ميصير وحرام وعيب وفشلة”
كليشة نسمعها
– من نريد نقوّم وننتقد التصرفات والأفعال الي تهدد هوية المجتمع..
– من نريد نراعي المبادئ والأخلاق والقيم..
– من نريد نحافظ على الأعراف والعادات الأصيلة.
– هاي الشكاوى نسمعها لمن نريد نحافظ على مجتمعنا من الانحراف ونحافظ على هويته الثقافية والدينية من الضياع..
– لمن ننبّه على إنو كرامة أهلنا وغيرتهم وعفتهم مستهدفة بفعاليات ومهرجانات متراعي هاي الأولويات من قبل جهات معروفة التمويل والنوايا.
أنتو تردون تعيشون، واحنه هم نريد نعيش وياكم.. بس بعزة وكرامة مو بمجون ومياعة وابتذال.
لذلك احنة نشد على أيدي كل من ينتقد ويصوّب ويرد على هاي الفعاليات من باب الأمر بالمعروف والنهي عن المنكر وبأسلوب حضاري وبالحكمة والموعظة الحسنة.
#مجموعة_إكسير_الحكمة
