أعتقد چنتوا تگولون (احنه بيا حال) وما عدنا كهرباء ولا مي، بس نحچي شغلة تخص الهوية الدينية لهذا الشعب!!
شنو صار الهالوين ينطي مي لو كهرباء لو طاقة ذرية؟! بحيث يصير الاحتفال بيه بهاي الطريقة!
هواي ضوجناكم واحنه نگوللكم هاي فلوسكم خلوها للفقراء، بعد منحرجكم، بس عليكم الله گلولنا شلون اقتنعتوا بهذا العيد؟ وتدرون منو مسويه؟!
منو قنعكم تلطخون نفسكم بالأحمر وعبالك غرگانين بالدم وتمشون مثل الشبح وعظامكم طالعة… شنو انعدام الذوق هذا؟ شنو هاي النفسية اللي تتقبل هيچ أشكال؟! هاي يا ونسة هاي؟!
زين شنو ذنب أطفالكم! أكيد تگولون متونسين ونريد نفرحهم، معناها ما عدكم أي معرفة وثقافة بتأثير هاي المناظر البشعة والشخصيات الدموية على ذهنيتهم.
بس احنه وصلنا مرحلة ما ننظر لأنفسنا ولا لأطفالنا، نشوف بس اللي نريد نقلدهم!!
كنا ننتقد البلدان العربية الي تعمل هاي الأعمال ونصف أفعالهم بـ(الخبالات) تالي هاي (الخبالات) صارت ببغداد، والحكومة ساكتة!!
#مجموعة_إكسير_الحكمة
