أكو شي كون نلاحظه جميعاً
ونأكد عليه
وهو أنّ المرجع الأعلى بكلّ زمان، والي وثق بيه كل علماء الطائفة وفوّضوه الشأن العام للأمة بالحدود المعروفة، وصار محطّ نظر عامة الشيعة، بسبب (تقواه وعلمه وحكمته وسداده) …
مثل السيد السيستاني اليوم
هذا المرجع إذا أشّر على شخص وحذّر المؤمنين منه
يعني القضية انحسمت، وهذا الشخص الي تم التحذير منه خرج عن محلّ الاعتبار لدى الطائفة.
لأنّ الطائفة بخاصّتها وعامّتها متيقّنة من دين وحكمة وعلم وسداد هذا المرجع الي ما يحچي اعتباطاً، وهو حذّر من شخص بعد التأنّي والتروّي.
هسه على الأقل كون المؤمن العاقل يتوقف، حتى لو ما يقلد المرجع الأعلى.
والي يجيني ويگلي التحذير صدر من المكتب مو من المرجع!
أگله: عذراً سد حلگك وبدون ثرثرة، لأن هي فتوى الدفاع الي على أساسها قدمنا أنهر من الدماء، إنما صدرت عن المرجع بواسطة المكتب، النوب بسبب تحذير من شخص ادعى دعوى نشكك بمصداقية المكتب؟!
إنها وسيلة العاجز !!
لذلك كون نحفظ هاشتاك
#لا_وليحذر_المؤمنون
– أبو تراب مولاي
