بمناسبة العيد الوطني في العراق نهنئ الشعب الصومالي ..!
ماكو ربط صحيح ؟
تغريدة السفيرة الأخيرة نفس الشي ما بيها ربط ..
بمناسبة يوم المساواة للمرأة الأمريكية .. نعمل على حقوق المرأة بالعراق !!
أنتو بثقافتكم الهمجية كانت المرأة عندك سلعة .. مو مصنفة بشر أصلاً .. (وما تزال سلعة لليوم)
إحنه شعلينه ؟
إحنه بديننا وثقافتنا أكو نساء نقدسها ونطلب شفاعتها عند الله .. وأكو نساء نعتبر الجنة تحت أقدامها ..
ديننا يحذر الشخص من سوء الأخلاق ويه زوجته ويتوعده بضغطة القبر ..
إحنه من زمان مرتبين وضعنا .. من كنتو تتراوحون بين أقصى اليمين وسحق المرأة .. وأقصى اليسار وجعل شعار حقوقها فوق القانون والعقل والدين ..
هاي تخبطاتكم عليكم .. أحنه شعلينه ؟
وبمناسبة الحقوق والتشريعات بأمريكا خلينا نشوف آخر تشريع عبقري توصل له المشرع الأمريكي:
(( صوتت جمعية ولاية كاليفورنيا لصالح تمرير مشروع القانون AB 957 والذي سيسمح للقضاة بمنح حضانة الطفل لمن يسمح بتغيير جنـאـس الطفل من الوالدين.
وتلقى المشروع انتقادات من أولياء الأمور في كاليفورنيا، الذين تجمعوا في عاصمة الولاية للاحتجاج على المشروع ))
هذا الخبر لا يجعل حضرة جناب السفيرة رومانسكي تشعر بالقلق على الطفل الأمريكي ؟
القلق يشتغل فقط في العراق!!!
مثل ما القانون الموجود عندنا يشجع على الطلاق ويحفز التفكير به كأول حل لمشاكل الزوجية ..
كذلك القرار الأمريكي يحفز الأبوين للموافقة على تغيير جنس طفلهما كعامل مساعد للفوز بحضانته !!!
التدمير بعد شلون يصير يا حضرة السفيرة ؟
صدگ #لكم_دينكم_ولنا_دين
– إيليا إمامي
